Joseph Hooton Taylor jr.

Joseph Hooton Taylor jr.
Fødd	29. mars 1941 (83 år) Philadelphia i Pennsylvania i USA
Nasjonalitet	Amerikansk
Område	fysikk
Yrke	astronom, astrofysikar, fysikar, universitetslærar, Nobel Prize winner
Institusjonar	University of Massachusetts Amherst Princeton University
Alma mater	Haverford College Harvard University
Doktorgradsstudentar	Victoria Kaspi
Kjend for	Pulsarar
Medlem	National Academy of Sciences American Academy of Arts and Sciences American Philosophical Society American Astronomical Society

Joseph Hooton Taylor jr. (fødd 29. mars 1941) er ein amerikansk radioastronom. Han tok doktorgrad ved Harvard University i 1968. Han underviste ved University of Massachusetts, Ahmerst, mellom 1969 og 1981, og vart seinare professor ved Princeton University i 1986.

Taylor jr. mottok Nobelprisen i fysikk i 1993, saman med sin landsmann Russell Alan Hulse, for oppdaginga av ein ny type pulsar, ei oppdaging som opna nye moglegheiter for studiet av gravitasjon.

Taylor jr., og hans medhjelpar Hulse, oppdaga den første binære pulsaren i 1974. Pulsarar er raske roterande nøytronstjerner som sender ut korte regelmessige puls av radiostråling. Uregelmessigheita i pulsane frå pulsaren PSR 1913+16 fekk dei til å dra konklusjonen om at denne pulsaren hadde ein følgjesvein i form av ei anna nøytronstjerne som svevde rundt i ein tett bane.

Oppdaginga av denne pulsaren gjorde det òg mogeleg å kunne oppdage gravitasjonsbølgjer for første gong. Det samla sterke gravitasjonsfelt til dei to stjernene påverkar frekvensen på radiopulsane som vert sende ut, og Taylor og Hulse kunne vise at stjernene roterte mykje raskare nær kvarandre. Det vart foreslått att dette kom av at stjernene taper energi når dei sender ut gravitasjonsbølgjer. Dette var det første eksperimentelle beviset på gravitasjonsbølgjer eksisterer, etter at det vart foreslått av Albert Einstein i relativitetsteorien hans.

Kjelder

• Denne artikkelen bygger på «Joseph Hooton Taylor, Jr.» frå Wikipedia på bokmål, den 22. februar 2012.