Morten Høglund
| Morten Høglund | |||
 | |||
| Fødd | 16. juli 1965 (60 år) Ski kommune | ||
|---|---|---|---|
| Statsborgar av | Noreg | ||
| Parti | Framstegspartiet | ||
| Yrke | politikar, diplomat | ||
| Utdanna ved | Treider Fagskoler | ||
| Alle verv |
| ||
Morten Høglund (fødd 16. juli 1965) er ein norsk politikar frå Framstegspartiet. Han var vald inn på Stortinget frå Akershus fylke frå 2001 til 2013.[1]
Høglund er frå i Ski i Akershus. Han er utdanna ved handelsskule, og har gått på high school i Utah i USA. Han arbeidde som seljar og ekspeditør 1986-90, seinare som utgreiingssekretær, utgreiingsleiar, politisk rådgjevar og etter kvart som leiar av Politisk avdeling i FrPs hovudorganisasjon 1990-2000. Han var politisk rådgjevar for stortingsgruppa til FrP 2000-2001.
Morten Høglund var medlem av Ski kommunestyre og formannskap 1987-1991; og varaordførar 1989–1991. Han var medlem av Asker kommunestyre og varaordførar 1995–2003. Han er medlem FrPs sentralstyre frå 2008.
Han var leiar av Oslo Dragebåtklubb 1988-1992 og styremedlem i European Dragonboat Federation 1991-1995.
Stortingskomitear
[endre | endre wikiteksten]- 2001–2005: medlem av utanrikskomiteen
- 2005–2009: medlem av utanrikskomiteen
- 2005–2009: varamedlem av valkomiteen
- 2009–2013: medlem av utanriks- og forsvarskomiteen