Christina Ramsøy

Christina Ramsøy
Fødd	4. november 1986 Ogndal
Parti	Senterpartiet
Verv	Leiar i Senterungdommen
- periode	2007-2009
- føregangar	Erlend Fuglum
- etterfylgjar	Johannes Rindal

Christina Nilsson Ramsøy (fødd 4. november 1986 i Ogndal i Steinkjer kommune) er ein norsk politikar frå Senterpartiet. Ho har vore 1. vararepresentant til Stortinget frå Nord-Trøndelag fylke sidan 2009, og møter fast for Lars Peder Brekk frå 1. oktober 2009.

Ramsøy var leiar i Steinkjer Senterungdom 2002–2004, og leiar i Nord-Trøndelag Senterungdom 2003–2007. I tillegg var ho medlem av sentralstyret til Senterungdommen 2006–2007, og leiar der 2007–2009. Ramsøy vart valt til leiar ved ei kampavstemming mot Tone Ravnås frå Rogaland.

Ramsøy var medlem av Steinkjer kommunestyre 2007–2008 og medlem av Nord-Trøndelag fylkesting 2007–2009. Ho gjekk allmennfagleg linje ved Steinkjer VGS 2002–2005, studerte politisk økonomi ved NTNU 2005–2006, og studerte PR og kommunikasjon ved BI Trondheim 2006–2007.

Stortingskomitear

• 2009–2013 - medlem i Familie- og kulturkomiteen

Bakgrunnsstoff

• Christina Ramsøy hos Stortinget
• Bloggen til Christina Ramsøy