Anne T. Wøien

Anne T. Wøien
Fødd	18. juni 1965 (60 år) Ringerike kommune
Statsborgar av	Noreg
Parti	Senterpartiet
Yrke	politikar
Mor	Marit Tingelstad
Alle verv	stortingsrepresentant (2009–2013) vararepresentant til Stortinget (2005–2009) stortingsrepresentant (2013–2017)

Anne Tingelstad Wøien (fødd 18. juni 1965) er ein norsk lærar og politikar frå Senterpartiet. Ho var vald inn på Stortinget frå Oppland fylke i 2009 til 2017.

Wøien tok allmennlærarutdanning ved Sagene lærarhøgskole 1987–1990. Seinare utdanning innan høvesvis 5–10-årspedagogikk 1996–1997 og pedagogisk arbeid på småskuletrinnet 1997–1998, begge ved Høgskolen i Telemark. Wøien var lærar i Gran kommune 1990–2003, og øvingslærar ved Høgskolen i Hedmark 2000–2003.

Ho var skulepolitisk sekretær i Senterungdommen 1989–1990, og deretter leiar i Oppland Senterungdom 1990–1991. Medlem av Gran formannskap 1995–2003, og medlem av Oppland fylkesting 2003–2005. Politisk rådgjevar i Olje- og energidepartementet 2005–2007, og i Samferdselsdepartementet frå 2007. 1. vararepresentant til Stortinget 2005–2009, vald inn på fast basis frå 2009.

1. mars 2021 blei Tingelstad Wøien tilsett som daglig leiar i Folkehøgskolerådet.

Stortingskomitear

• 2009–2013: Medlem i Kyrkje-, utdannings- og forskingskomiteen
• 2009–2013: Medlem i Fullmaktskomiteen
• 2009-13: Medlem i Den særskilte komité til å behandle redegjørelse fra justisministeren og forsvarsministeren i Stortingets møte 10. november 2011 om angrepene 22. juli
• 2013–17: Andre nestleiar i Kyrkje-, utdannings- og forskingskomiteen
• 2013–17: Medlem i Fullmaktskomiteen

Bakgrunnsstoff

• Anne T. Wøien hos Stortinget