Tord André Lien

Tord André Lien
Foto: FrPMedia
Fødd	10. september 1975 (49 år) Øksnes kommune
Statsborgar av	Noreg
Parti	Framstegspartiet
Yrke	politikar
Utdanna ved	Universitetet i Nordland Noregs teknisk-naturvitskaplege universitet
Verv	Norsk olje- og energiminister 16. oktober 2013–20. desember 2016
Føregangar	Ola Borten Moe
Etterfylgjar	Terje Søviknes
Verv	Stortingsrepresentant 1. oktober 2005–30. september 2013
Alle verv	stortingsrepresentant (2005–2009) Norsk olje- og energiminister (2013–2016) stortingsrepresentant (2009–2013)

Tord André Lien (fødd 10. september 1975) er ein norsk politikar frå Framstegspartiet frå Øksnes i Nordland. Frå 2005 til 2013 var Lien representant på Stortinget, dinest blei han olje- og energiminister i regjeringa Solberg 2013–2016. Sidan mai 2024 har Lien vore tilsett som direktør for eksterne relasjonar i TrønderEnergi.

Liv og virke

Bakgrunn

Tord André Lien har studert historie og statsvitskap og er cand.philol. frå NTNU 2003. Han leidde eit team som dreiv med møtebooking via telefon i Norsk Privatøkonomi frå 2003.

Frå 2003 til 2005 leidde han Sør-Trøndelag volleyballkrets. Han har også vore volleyballtrenar.

I 1995 blei Lien dømd til 35 dagars fengsel for overskriding av ei fartsgrense på vått føre som ende med ein bilulykke med ein motorsykkel.

Politisk karriere

Lien var medlem av Trondheim bystyre 2003–2005, leiar av Trondheim FpU 1997–1999 og Trondheim FrP 1999–2003 og 2008-2009. Han hadde fast plass på Stortinget for Sør-Trøndelag fylke frå 2005 til 2013. Lien var olje- og energiminister i regjeringa Solberg frå 16. oktober 2013 til 20. desember 2016.

Stortingskomitear

• 2005–2009: medlem i energi- og miljøkomiteen
• 2009–2013: andre nestleiar i kyrkje-, utdannings- og forskingskomiteen

Andre yrke

Frå januar 2017 til desember 2022 var Lien tilsett som regiondirektør for NHO i Trøndelag.

Den 1. mai 2024 blei Lien tilsett som direktør for eksterne relasjonar i TrønderEnergi.

Bakgrunnsstoff

• «Tord André Lien». Stortinget.no. 

• Framstegspartiet - Biografi Arkivert 2016-03-10 ved Wayback Machine.