Arild Grande

Arild Grande
Fødd	5. april 1978 (46 år) Trondheim
Statsborgar av	Noreg
Parti	Arbeidarpartiet
Yrke	politikar, musikar
Alle verv	stortingsrepresentant (2017–2021) vararepresentant til Stortinget (2005–2009) stortingsrepresentant (2009–2013) stortingsrepresentant (2013–2017) stortingsrepresentant (fast møtande vararepresentant, 2005–2009)

Arild Stokkan-Grande (fødd 5. april 1978 i Trondheim) er ein norsk politikar frå Arbeidarpartiet, oppvaksen på Ytterøy i Levanger kommune. Han vart vald som vararepresentant til Stortinget frå Nord-Trøndelag i 2005, og møtte fast mens Bjarne Håkon Hanssen var i regjering. Ved stortingsvalet 2009 var han 2. kandidat frå Nord-Trøndelag Arbeidarparti, og vart vald inn på eige mandat.

Han er utdanna ved institutt for musikk ved NTNU, og arbeidde som organist i Levanger 2000–2005.

Stokkan-Grande var fylkessekretær i Nord-Trøndelag AUF 1997–2000, og fylkesleiar 2000–2002. Han var medlem av Nord-Trøndelag fylkesting 2003–2005. Hausten 2007 vart han nemnt opp som leiar av Mannspanelet, nedsett av Barne- og likestillingsdepartementet i samband med ei ny stortingsmelding om menn og mannsroller.

Stortingskomitear

• 2005–2009: Medlem i Kommunal- og forvaltingskomiteen
• 2009–2013: Medlem i Familie- og kulturkomiteen

Bakgrunnsstoff

• Arild Stokkan-Grande hjå Stortinget