Det Bergenske Dampskibsselskab

MS «Nordstjernen» frå 1956 går framleis i hurtigruta. Her fotografert utanfor Molde i 2008.

Det Bergenske Dampskibsselskab (BDS) var eit reiarlag som vart stifta i Bergen den 12. desember 1851. Førmålet var å drive rutetrafikk mellom Bergen og hansestaden Hamburg i Tyskland, og reiarlaget fekk sitt første skip DS «Bergen» året etter etableringa. Opp gjennom åra starta BDS fleire ruter til andre europeiske land, og seinare til Amerika. BDS var òg i Hurtigruta frå 1894 til 1979. I 1927 fekk BDS overlevert luksus-cruiseskipet MY «Stella Polaris» som skulle gjere Bergenske sitt namn kjend over heile verda.

Under Thomas Falcks leiing gjennom den andre verdskrigen, tok BDS på seg en mengde oppdrag for den tyske okkupasjonsmakta, deriblant frakt av sement frå Tyskland til Noreg. Samstundes var 13 av reiarlaget sine skip under Nortraships (og dermed alliert) kontroll.

I november 1984, vart Bergenske kjøpt opp av Sandefjordselskapet Kosmos AS og vidareseld til RoNoTro AS i desember 1988. BDS vart då delt opp, og verksemda vidareført av dei nye eigarane. BDS sitt skorsteinsmerke med tre kvite ringar, forsvann såleis for alltid.

Nokre av reiarlaget sine skip

MY «Stella Polaris»
Foto: Olaf Andreas Knutsen Storegjerde

Sjå òg Skip i hurtigruta for BDS si historie innan hurtigruta.

• DY «Meteor»
• MY «Stella Polaris»
• MS «Venus»
• TS «Leda»

Litteratur

• Liv Marit Haakenstad: Utvandringen 1825 - 1930. Orion forlag 2008. ISBN 978-82-458-0848-3

Bakgrunnsinformasjon

• Hurtigrutemuseet - Det Bergenske Dampskibsselskab Besøkt 3. oktober 2008
• Omfattende side om hurtigrutene (Velg «Rederier» og BDS) - Besøkt 3. oktober 2008

Referanser

Denne artikkelen er ei spire. Du kan hjelpe Nynorsk Wikipedia gjennom å utvide han.