Hopp til innhald

Mímir Kristjánsson

Frå Wikipedia – det frie oppslagsverket
Mímir Kristjánsson

Fødd17. august 1986 (40 år)
Oslo
Statsborgar avNoreg
PartiRaudt
Yrkepolitikar, journalist, forfattar, podkastvert
SambuarSofie Marhaug
Alle verv

Kristján Mímir Kristjánsson (fødd 17. august 1986) er ein norsk politikar, journalist og forfattar frå Stavanger.[1] Sidan 2021 har han vore stortingsrepresentant frå Rogaland for Raudt.

Bakgrunn

[endre | endre wikiteksten]

Kristjánsson vaks opp i Stavanger med islandsk far og norsk mor. Han fullførte vidaregåande skule ved Stavanger katedralskole.[2] Han flytta til Oslo for å starte studiar i samfunnsøkonomi, men studiane blei avbrotne.[3]

Politisk verksemd

[endre | endre wikiteksten]

I perioden 2004–2006 var Kristjánsson medlem av sentralstyret i Raud Ungdom. Kristjánsson var saman med Magnus Marsdal og Åsmund Sunde Valseth òg sentral i utviklinga av Raud Ungdom sin strategi og i utviklinga av det ideologiske grunnlaget fram mot landsmøtet i 2006.

Kristjánsson var leiar i Raud Ungdom 2006–2008[4] og var medlem av arbeidsutvalet i Raudt i perioden 2008–2010. Han har òg arbeidd som journalist i Klassekampen og har vore redaktør for Manifest Tidsskrift.[5]

Før Kristjánsson blei medlem av Raud Ungdom, var han mellom anna leiar for AUF-laget i Stavanger.[6]

Frå hausten 2019 er Kristjánsson medlem av bystyret i Stavanger, der han er leiar for utvalet for arbeidsliv og løn.[5]

Kristjánsson har markert seg med hyppig aksjonsverksemd. Saman med Torstein Tvedt Solberg starta han Folkeaksjonen mot krig.[7] Han har òg sete i leiinga i Attac (2004–2005)[8] og i arbeidsutvalet til Globaliseringskonferansen.

Han fekk betydeleg merksemd i media då han forstyrra landsmøtet til Kristeleg Folkeparti i 2004, i det Raud Ungdom kalla ein «aksjon mot homofobi».[2] Før og etter demonstrasjonen mot NATO-toppmøtet som fann stad i Oslo i april 2007, kom han i konflikt med mellom andre Blitz.[9]

I 2020 blei han utnemnd som medlem av regjeringa sin ytringsfridomskommisjon.[10]

Kristjánsson har arbeidd i Norsk faglitterær forfattarforeining med formidling av sakprosa til skuleverket.[11]

Journalistikk og forfattarskap

[endre | endre wikiteksten]

Som journalist jobba Kristjánsson særleg som politisk journalist. I ein artikkelserie i 2018 reiste han den same togreisa som Lenin gjorde i 1917, og skreiv historiske reiseskildringar frå Austerrike, Tyskland, Sverige, Finland og Russland.

Kristjánsson har gjeve ut ni bøker, mellom anna på forlaga Kagge og Manifest.

  • 2011: De superrike[12][13]
  • 2013: Slik blir du superrik
  • 2016: Frihet, likhet, Island
  • 2018: Hva ville Gerhardsen ha gjort
  • 2018: I Lenins togspor
  • 2019: Rosa Luxemburg - en biografi
  • 2019: Mamma er trygda[14]
  • 2020: Martin Tranmæls metode
  • 2021: Jon Michelet: En folkets helt
  • 2024: Hjelp, de drar til Sveits! – Milliardærenes makt over Norge, med Sofie Marhaug[15]
  • 2024: Pabbi – En familiesaga om drukkenskap[16][17]
  • 2025: Make Norge greit igjen : Et manifest for å gjenreise Annerledeslandet[18]

Privatliv

[endre | endre wikiteksten]

Mímir Kristjánsson var sambuar med Mathilde Holdhus, som han har to barn med. I 2022 bekrefta han at dei hadde skilt lag året før.[19]

Kristjánsson er sambuar med stortingsrepresentant for Raudt frå Hordaland, Sofie Marhaug.[20][21][22]

I eit intervju med Thomas Seltzer på programmet Trygdekontoret i 2016 sa Kristjánsson at han hadde eit vanskeleg forhold til alkohol,[23] og han har stadfesta det fleire intervju i ettertid.

Kjelder

[endre | endre wikiteksten]
  1. ↑ - Hallgeir Opedal: Mimir Kristjánsson - Portrettintervju i Aftenposten/Lørdag 22. mai 2021
  2. 1 2 Ballettdansende rebell Arkivert 24. januar 2005 på Wayback Machine. «Mimir Kristjansson fra Rød Ungdom i Stavanger både overrasket og irriterte da han tok seg opp på talerstolen på KrF sitt landsmøte i Bergen sist helg i en aksjon mot homofobi.»
  3. ↑ Lurås, Helge (2024-08-12), «Rødt-profil mener unge «loker rundt»: – De må skjerpe seg», inyheter.no - Nyheter og aktuelt - Innenriks og Utenriks. (på norsk bokmål), henta 2025-11-24
  4. ↑ Sosialisme.no: Nyvalgt leder Mimir Kristjansson
  5. 1 2 «Kristjansson, Mimir | Stavanger kommune». www.stavanger.kommune.no (på norsk). Arkivert frå originalen 2020-09-29. Henta 2020-01-19. {{cite web}}: Invalid |url-status=yes (hjelp)
  6. ↑ Revolusjonens røst har siddisdialekt Arkivert 15. juli 2007 på Wayback Machine. «Tidligere leder av Stavanger AUF. Nå leder av Rød Ungdom på heltid.»
  7. ↑ Bie, Elisabeth (12. februar 2013). «Sin egen sure kommunistfetter». Aftenbladet. Arkivert frå originalen 2016-08-22. Henta 2016-08-13. {{cite news}}: Invalid |url-status=død (hjelp)
  8. ↑ Attac.no: Aksjonisme og frukt Arkivert 14. juni 2007 på Wayback Machine. «Mimir Kristjansson er medlem av Attac Rogaland og styremedlem i Attac Norge.»
  9. ↑ Karin Haugen (2007-05-04). «Fra brostein til bamser». Klassekampen. Henta 2008-04-22. «Blitz har blitt gjenstand for debatt etter Nato-demonstrasjonen i forrige uke der det kom til konfrontasjoner mellom demonstranter og politi. Rød Ungdom-leder Mimir Kristjansson hevdet i forkant av demonstrasjonen at medlemmer av Blitz planla bråk.»[daud lenkje]
  10. ↑ Kulturdepartementet (2020-02-14). «Presentasjon av medlemmene i Ytringsfrihetskommisjonen». Regjeringen.no (på norsk). Henta 2020-02-14.
  11. ↑ Artikkel i NFF-bulletin[daud lenkje], se side 3
  12. ↑ Fra vaskeseddel for boka Arkivert 4. mars 2016 på Wayback Machine. hos Forlaget Manifest; besøkt 11. oktober 2011.
  13. ↑ Linn-Birgit Kampen Kristensen (11.10.2011). «Mimir (25) fillerister de rike». Dagens Næringsliv. Henta 11.10.2011. {{cite news}}: Check date values in: |besøksdato= og |utgivelsesdato= (hjelp)
  14. ↑ Jon Rognlien (2019-08-23). «Trygdebeistets hevn». Dagbladet. Henta 2019-08-23.
  15. ↑ Jon Rognlien (2024-04-04). «Befriende tilgjengelig!». Dagbladet. Henta 2025-11-23.
  16. ↑ Hjeltnes, Guri (2025-08-15). «En drukkenbolts saga. Bokanmeldelse: Mímir Kristjánsson: «Pabbi»». VG (på norsk bokmål). Henta 2025-11-23.
  17. ↑ Loe, Erlend (2025-08-15). «Tynn i sjelen». Aftenposten (på norsk bokmål). Henta 2025-11-23.
  18. ↑ Meyer, Jonas Hansen (2025-07-29). ««Skuffende tamt»». NRK (på norsk bokmål). Henta 2025-07-29.
  19. ↑ «Bekrefter brudd». Se og Hør. 5- mars 2022. Henta 15. august 2022. {{cite web}}: Check date values in: |date= (hjelp)
  20. ↑ Suvatne, Steinar Solås (2022-08-15). «Fant lykken på Løvebakken». Dagbladet (på norsk bokmål). Henta 2025-11-23.
  21. ↑ Heldahl, Henrik (2023-10-23). «Mímir Kristjánsson og Sofie Marhaug blir samboere». Nettavisen (på norsk bokmål). Henta 2025-11-23.
  22. ↑ NTB (2024-08-07), «Mímir Kristjánsson vil ha fire nye år på Stortinget», Sandnesposten (på norsk), henta 2025-11-24
  23. ↑ «En hyllest til fylla» i Trygdekontoret på NRK.

Bakgrunnsstoff

[endre | endre wikiteksten]
Henta frå «https://nn.wikipedia.org/w/index.php?title=Mímir_Kristjánsson&oldid=3663381»