Enevold Høyum

Frå Wikipedia – det frie oppslagsverket
Hopp til navigering Hopp til søk
Enevold Høyum
Enevold Steenblock Hoyum.jpg
Fødd15. mai 1775
Sauherad
Død24. januar 1830 (54 år)
Statsborgar avNoreg
NasjonalitetNorsk
PartiSjølvstendepartiet
Yrkepolitikar, offiser
VervMedlem av Riksforsamlinga på Eidsvoll

Enevold Steenbloch Høyum (15. mai 177524. januar 1830) var ein norsk offiser, gardbrukar og eidsvollsmann.

Høyum var frå Sauherad i Telemark. Han var son av ein oberst, og gjekk sjølv i militær teneste. I 1794 vart han fenrik i Telemarkske infanteriregiment. Han avanserte etter kvart i gradene, vart kaptein i 1809. År 1814 vart han skikka til sjef over 1. divisjon av regimentet sin «marcherende depotbatalion» i Drammen. Fire år seinare tok han avskjed.

Høyum deltok i riksforsamlinga på Eidsvoll som 1. utsending frå Telemarkske infanteriregiment. Han røysta med sjølvstendepartiet.[1]

Etter han gjekk ut av aktiv militær teneste dreiv han den tidlegare futegarden Søve i Holla. Høyum hadde gifta seg til garden, og døydde der i 1830.

Kjelder[endre | endre wikiteksten]

  1. «Envold Steenblock Høyum (1775-1830)». Eidsvoll 1814. Henta 20. november 2015.