Arild Sibbern

Arild Sibbern
Arild Sibbern på eit portrett av Aasta Hansteen. Måleriet tilhøyrer Eidsvoll 1814
Fødd	27. juni 1785 Rygge i Østfold
Død	11. april 1863 (77 år)
Statsborgar av	Noreg
Parti	Sjølvstendepartiet
Yrke	Offiser
Mor	Søster Huitfeldt
Verv	Medlem av Riksforsamlinga på Eidsvoll

Henrik Frederik Arild Sibbern (27. juni 1785–11. april 1863) var ein norsk offiser og eidsvollsmann.

Sibbern var fødd på Værne kloster i Rygge i Østfold, og var ein yngre bror av Valentin Sibbern. Han vart oppteken ved landkadettakademiet i København i 1800, og vart offiser i 1803. Året etter vart han beordra til pasjeteneste ved kongens hoff, i 1805 var han underoffiser og underviste ved landkadettskulen. År 1807 vart han sekondløytnant ved kongens regiment stasjonert i Helsingør. 1808-10 gjekk han i København høgskulekurset for ingeniøroffiserar skulle verte. I 1811 var han på synfaring ved Spangereid med tanke på kanalbygging. Perioden 1811-14 tenestgjorde han i Trondheim.

I 1814 gjekk Sibbern inn i den norske ingeniørbrigaden og busette seg i Kristiansand. I åra etter leia han oppføringa av mange offentlege bygg i byen, og anlegginga av vegar. Han rykte opp til major i armeen i 1832, i 1834 i brigaden. 1853-56 var han oberstløytnant i brigadestaben i Kristiania.

Sibbern var utsending frå ingeniørbrigaden til riksforsamlinga på Eidsvoll i 1814. Han må reknast for å høyrd til sjølvstendepartiet. Ved ei rekke stortingsval for perioden 1827-48 var han på varamannsplass, men kom aldri på Stortinget.

I 1856 flytta Sibbern tilbake til Kristiansand, der han døydde i 1863.

Utmerkingar

Sibbern var innehavar av St. Olavs Orden, Nordstjerneordenen og Sverdordenen.

Kjelder

• Tallak Lindstøl: Stortinget og Statsraadet 1814-1914, Kristiania, 1914, samt tillæg. B. 1 D. 2 : Biografier L-Ø samt tillæg digital utgåve side 786
• Henrik Frederik Arild Sibbern frå Eidsvoll 1814
• Biografisk informasjon om Arild Sibbern NSD Norsk senter for forskningsdatas politikararkiv