Nils Johannesson Loftesnes

Nils Johannesson Loftesnes
Statsborgarskap	Noreg
Fødd	1789
Død	31. mai 1848 (59 år)
Yrke	bonde, politikar
Språk	norsk
Nils Johannesson Loftesnes på Commons

Minnesmerke ved Stedje kyrkje i Sogndal

Nils Johannesson Loftesnes (1789–31. mai 1848) var ein soldat, gardbrukar og eidsvollsmann frå Sogndal.

I 1814 var Loftesnes musketer i sogndalske kompani. Kompaniet var ei avdeling av 2. bergenhusiske infanteriregiment, og Loftesnes vart om våren vald til å representere regimentet ved riksforsamlinga på Eidsvoll saman med kompanisjef Ole Elias Holck. Han høyrde der til sjølvstendepartiet.

Loftesnes tok over farsgarden i Sogndal og dreiv denne ei tid. Seinare kjøpte han ein annan gard i heimbygda og busette seg der. Der døydde han i 1848.

Kjelde

• Tallak Lindstøl: Stortinget og Statsraadet 1814-1914. Kristiania, 1914

Bakgrunnsstoff

• Biografisk informasjon om Nils Johannesson Loftesnes NSD Norsk senter for forskningsdatas politikararkiv