Thomas Bryn
| Thomas Bryn | |
 | |
| Statsborgarskap | Noreg |
| Fødd | 29. mars 1782 Kongsberg kommune |
| Død |
16. september 1827 (45 år) |
| Yrke | politikar, dagbokskrivar, jurist |
| Språk | norsk |
| Politisk parti | Unionspartiet |
| Thomas Bryn på Commons | |
Thomas Bryn (29. mars 1782–16. september 1827) var ein embetsmann, eidsvollsmann og stortingsmann frå Kongsberg.
Bryn var son av Thomas Thomassen Bryn (1756-1830) som var damstigar og bergmusikant ved Kongsberg Sølvverk. I yngre år var han tilsett på stiftskontoret for Akershus, og på kontoret til forsyningskommisjonen. Han tok norsk juridisk eksamen i 1805, og heldt fram som fullmektig hos forsyningskommisjonen i tre år. I 1810 vart han utnemnd til sorenskrivar i austre Råbyggelaget, budde då på Nes i Herefoss. År 1816 vart han byfut og sorenbirkeskrivar i Larvik grevskap.
Til riksforsamlinga på Eidsvoll i 1814 møtte Bryn som utsending frå Råbyggelaget. Han slutta seg der til unionspartiet. Sameleis representerte han Råbyggelaget på overordentleg storting 1814 og på stortinget 1815-16. I 1814 var han sekretær i Lagtinget, 1815-16 visesekretær i Stortinget og Odelstinget. Han var då, 1815-16, medlem av fire komitear, der i mellom kyrkjekomiteen og om kyrkjelyden sin forkjøpsrett til soknekyrkja. Innvald på Stortinget 1827 for Larvik og Sandefjord, var då sekretær i Stortinget og i kyrkjekomiteen.
Bryn døydde i Larvik hausten 1827.
Kjelder
[endre | endre wikiteksten]- Tallak Lindstøl:Stortinget og Statsraadet 1814-1914. Kristiania, 1914, digital utgåve side 138
Bakgrunnsstoff
[endre | endre wikiteksten]- Biografisk informasjon om Thomas Bryn NSD Norsk senter for forskningsdatas politikararkiv