DS «Vulcanus» (1914)
| Karriere |  Noreg |
|---|---|
| Namn: | DS «Vulcanus» |
| Eigar: | Det Bergenske Dampskibsselskab |
| Verft: | Mjellem & Karlsen i Bergen |
| Byggekostnad: | 72 126 kroner[1] |
| Verftsnummer: | 52 |
| Jomfrutur: | August 1914 |
| Omdøypt: | 1959 til DS «Musca» |
| Heimehamn: | Bergen |
| Kjennemerke: | MKNJ - LFHE |
| Lagnad: | Opphogd 2012 |
| Generelle mål | |
| Type: | Taubåt |
| Tonnasje: | 85 brt, 28 nrt |
| Daudvekt: | 203 tdw. |
| Lengd: | 73,0 fot (22,3 m) |
| Breidd: | 19,0 fot (5,8 m) |
| Djupgang: | 9,9 fot (3,0 m) |
| Installert effekt : | 300 iHk |
| Framdrift: | Compound 2 cyl. dampmaskin (M&K) |
| Fart: | 10,5 knop |
| Karriere | Noreg |
| Namn: | DS «Øklandsnes» |
| Eigar: | Ole G. Økland P/R |
| Kjøpt: | mai 1959 |
| Heimehamn: | Haugesund |
| Generelle mål etter ombygging i 1960 | |
| Type: | Lasteskip |
| Tonnasje: | 158 brt, 69 nrt |
| Daudvekt: | 203 tdw. |
| Lengd: | 31,08 m |
| Breidd: | 6,70 m |
| Djupgang: | 3,13 m |
| Installert effekt : | 150 bHk |
| Framdrift: | Diesel (Wichmann) |
| Fart: | 8 knop |
| Karriere | Noreg |
| Namn: | MS «Kopervik» |
| Eigar: | Arne Gismarvik, seinare Arne Vik P/R |
| Kjøpt: | desember 1966 |
| Heimehamn: | Kopervik, seinare Bergen |
| Karriere | Noreg |
| Namn: | MS «Bømlo» |
| Eigar: | P/R Kopervik, seinare Arnold og Jorun Hjort, Svenn Tore Johnsen og Miljø og Gjennvinning A/S |
| Kjøpt: | august 1980 |
| Omdøypt: | august 1985 |
| Heimehamn: | Stamneshella |
| Karriere | Noreg |
| Namn: | MS «Sigfart» |
| Eigar: | Sigmund Bjerksted, seinare Svenn Tore Johnsen, Nordtang A/S, Ronny Stabben og Løkeland Eiendom A/S. |
| Kjøpt: | oktober 1995 |
| Heimehamn: | Hundvåg |
| Lagnad: | opphogd 2012 |
DS «Vulcanus» (kallesignal MKNJ - LFHE) var eit dampskip bygt i 1914 som taubåt for Det Bergenske Dampskibsselskab (BDS) og bukserte båtar og skip i Bergen hamn.
Historie[endre | endre wikiteksten]
Skipet vart bygt ved Mjellem & Karlsen i Bergen og kosta 72 126 kroner[1] då det vart levert i august 1914.[2]
14. august 1927 var «Vulcanus» utsett for ei ulukke på hamna i Bergen. Då TS «Leda» skulle forhalast av «Vulcanus» frå Skoltegrunnskaien til Laksevåg for å losse kollasta si, vart det gjeve signal om at slepetrossa skulle sleppast. Av ein eller annan grunn ville ikkje kroken på «Vulcanus» sleppe taket, og «Leda», som var komen i fart, drog «Vulcanus» med seg og over på sida, slik at vatnet fossa inn i taubåten. Trossa var av stål og let seg derfor ikkje hogge med øks. Då mannskap ombord på «Leda» såg kva som skjedde, slapp dei slepetrossa. I tillegg til det vanlege mannskapet var òg familie og vener med ombord på taubåten. Alle vart berga og taubåten vart slepen inn i fjøresteinane ved Bontelabo.[3]
Båten var i drift i Bergen hamn i mange år, og i januar 1959 vart det omdøypt DS «Musca», før det i mai same året vart selt til Ole G. Økland P/R i Haugesund og fekk namnet DS «Øklandsnes» Båten vart så ombygd i 1960 med ei forlenging og dieselmotor, og vart omregistrert til lasteskip. I desember 1966 vart skipet selt til Arne Gismarvik i Kopervik og fekk nytt namn, MS «Kopervik». I april 1972 vart det selt vidare til Arne Vik P/R i Bergen og året etter fekk det ny motor frå General Motors på 230 bHk.
Karsten Kulshamar i Bergen kjøpte båten i november 1976 og i august 1980 overførte han det til P/R Kopervik i Stamneshella. I august 1985 vart båten omdøypt MS «Bømlo», og månaden etter vart det selt til Arnold Hjort i Strusshamn. I oktober 1986 vart båten overført til Jorunn Hjort i Strusshamn.
Miljø og Gjennvinning A/S i Lauvsnes kjøpte båten i april 1991, men alt i juni det året hamna han hos Svenn Tore Johnsen i Stamneshella. I oktober kjøpte Sigmund Bjerksted i Hundvåg båten, og i januar 1996 fekk han namnet MS «Sigfart». Han hamna attende hos Svenn Tore Johnsen i september 1998 og i mars 2003 vart han selt til Nordtang A/S i Vestbygd. I juni 2007 vart han selt til Ronny Stabben i Nordstrøno før Løkeland Eiendom A/S på Atløy tok over i november 2010.
I januar 2012 vart båten omsider selt til Scandinavia Metal på Eldøyane på Stord for opphogging. Båten var då nær hundre år gammal.
Skipet[endre | endre wikiteksten]
Tonnasjen til skipet var ved levering 85 brt, 28 nrt. Oppgjeven yting var 300 iHk (indikerte hestekrefter) som gav ein toppfart på 10,5 knop.[1]
Etter ombygginga i 1960 var tonnasjen på 158 brt. og 69 nrt med ei lasteevne på 203 tdw. Det vart sett inn dieselmotor frå Wichmann på 150 bHk, som gav ein toppfart på 8 knop.
Sjå òg[endre | endre wikiteksten]
Kjelder[endre | endre wikiteksten]
- ↑ 1,0 1,1 1,2 «D/S Vulkanus». Sjøhistorie.no. Henta 4. januar 2019.
- ↑ Dag Bakka jr. og Per Alsaker (1988). «Det Bergenske Dampskipselskap - del 1». Skipet. Nr. 1 (Rådal: Skipet). Volum 14: 32. Henta 4. januar 2019.
- ↑ «"Vulcanus" skar sig fuld igaaraftes under forhaling av "Leda"». Bergens Tidende. 15. august 1927. s. 7. Henta 28. april 2020.