DS «Saturnus» (1874)
| Karriere |  Sverige |
|---|---|
| Namn: | DS «Göta» |
| Eigar: | Ångbåts AB |
| Verft: | Bergsunds Mek. Verkstad i Stockholm |
| Verftsnummer: | 114 |
| Jomfrutur: | 1874 |
| Heimehamn: | Stockholm |
| Kjennemerke: | JQSK |
| Generelle mål | |
| Type: | Lasteskip |
| Tonnasje: | 572 brt, 412 nrt |
| Lengd: | 48,2 m |
| Breidd: | 8,1 m |
| Djupgang: | 4,6 m |
| Installert effekt : | 250 iHk |
| Framdrift: | 2cyl. Compound (Bergsunds) |
| Fart: | 8,5 knop |
| Karriere |  Noreg |
| Namn: | DS «Saturnus» |
| Eigar: | Det Bergenske Dampskibsselskab |
| Kjøpt: | Mars 1878 for 107 276 kr. |
| Heimehamn: | Bergen |
| Karriere | Noreg |
| Eigar: | C. Daae-Olsen med fleire |
| Kjøpt: | 11. august 1910 |
| Heimehamn: | Bergen |
| Karriere | Noreg |
| Eigar: | Johnsen & Bergman med fleire |
| Kjøpt: | 9. februar 1911 |
| Heimehamn: | Kristiania |
| Karriere | Noreg |
| Namn: | DS «Asbjørn Selsbane» |
| Eigar: | A/S Tore Hund (L.H. Andreassen) |
| Kjøpt: | 1912 |
| Heimehamn: | Harstad |
| Karriere | Noreg |
| Namn: | DS «Prunelle» |
| Eigar: | A/S S/S Prunelle (Erik Rusten) |
| Kjøpt: | 1915 |
| Omdøypt: | 1916 |
| Heimehamn: | Bergen |
| Karriere | Noreg |
| Namn: | DS «Prunelle» |
| Eigar: | Rederi-A/S Harald Grenske (H. Haraldsen) |
| Kjøpt: | 1918 |
| Heimehamn: | Skien |
| Lagnad: | Torpedert 22. august 1918 |
DS «Saturnus» (kallesignal JQSK) var eit dampskip bygt i 1874 som DS «Göta», eit lasteskip for Ångbåts AB i Stockholm. Skipet vart bygd ved Bergsunds Mek. Verkstad i Stockholm.
Historie
[endre | endre wikiteksten]I mars 1878 vart skipet kjøpt av Det Bergenske Dampskibsselskab for 107 276 kr. Dette vart gjort for å styrke rutefarten til Bergenske mellom Bergen og Lofoten. Bergenske kjøpte òg samstundes DS «Svea», som fekk namnet DS «Uranus».
I 1885 fekk skipet ny innerkjel og i 1893 vart det påsett slingrekjølar. I 1900 vart det utført ei større utbetring av skipet ved Akers Mek. Verksted med nye dekk, stålmaster og innreiing.[1]
Skipet vart selt i august 1910 til C. Daae-Olsen i Bergen, som alt i januar 1911 selde det til Johnsen & Bergman i Kristiania. Eit år seinare, i februar 1912, vart skipet kjøpt av A/S Tore Hund (L.H. Andreasssen) i Harstad. Det vart då omdøypt til «Asbjørn Selbane». I august 1915 hamna skipet attende i Bergen då det vart kjøpt av A/S S/S Prunelle (A/S Erik Rusten) som i desember same året døypte skipet om til «Prunelle».
I februar 1918 gjekk det vidare til Rederi-A/S Harald Grenske i Skien, men vart same året rekvirert av The Shipping Controller i London under første verdskrigen. Dette vart lagnadstungt for skipet som 22. august 1918 utan førevarsel vart torpedert av den tyske ubåten UB 112 tre nautiske mil søraust av Blyth. 12 menneske omkom.
Kjelder
[endre | endre wikiteksten]- Dag Bakka jr. og Per Alsaker (1988). «Det Bergenske Dampskipselskap - del 1». Skipet. Nr. 1 (Rådal: Skipet). Volum 14: 4–19. Henta 1. mai 2019.
- ↑ «D/S Uranus». Sjøhistorie.no. Henta 4. mai 2019.