DS «Uranus» (1880)
 DS «Uranus» i Oslofjorden i august 1905. | |
| Karriere |  Noreg |
|---|---|
| Namn: | DS «Unita» |
| Eigar: | M. Aug. Schjelderup med fleire |
| Verft: | Bergen Mekaniske Verksted |
| Verftsnummer: | 56 |
| Jomfrutur: | November 1880 |
| Heimehamn: | Bergen |
| Kjennemerke: | JRCL |
| Generelle mål | |
| Tonnasje: | 599 brt, 299 nrt |
| Daudvekt: | 538 tdw. |
| Lengd: | 49,3 m |
| Breidd: | 7,4 m |
| Djupgang: | 4,0 m |
| Installert effekt : | 250 iHk, 50 nHk |
| Framdrift: | 2Cyl. compound dampmaskin (BMV) |
| Fart: | 8 knop |
| Karriere | Noreg |
| Namn: | DS «Uranus» |
| Eigar: | Det Bergenske Dampskibsselskab |
| Kjøpt: | Februar 1894 for 76 333 kr.[1] |
| Heimehamn: | Bergen |
| Lagnad: | Opphogd 1924 |
DS «Uranus» (kallesignal JRCL) var eit dampskip bygt i 1880 som eit lasteskip for M. Aug. Schjelderup som «Unita» ved Bergen Mekaniske Verksted. I februar 1894 vart skipet kjøpt av Det Bergenske Dampskibsselskab (BDS) og omdøypt.
BDS hadde som tradisjon å namngje skipa sine etter fenomen og objekt på nattehimmelen. Uranus er ein planet i solsystemet.
Historie[endre | endre wikiteksten]
«Unita» vart levert i november 1880 for bergenske kjøpmenn. Ho vart kjøpt og omdøypt til «Uranus» av Bergenske i februar 1894 for 76 000 kroner.[1]
I 1901 vart det bygd overbygg forut og nytt jarnhus og overbygning midtskips. 2. juni 1908 vart «Uranus» det første skipet i den nye ruta Bergenske oppretta til Island frå Bergen. Sidan gjekk ruta frå Oslo eller Stavanger og hadde anløp i Thorshavn på Færøyane og så til alle hamnene på nordkysten av Island og til slutt Reykjavik. I 1909 havarerte skipet ved Hoversholmen og vart reparert.
Skipet vart selt til opphogging i 1924.
Skipet[endre | endre wikiteksten]
Tonnasjen til skipet var ved levering 599 bruttoregistertonn og 357 nettoregistertonn og lasteevna var 538 dødvekttonn. Volumet på lasteromma var 510 kubikkmeter. 976 m³. Hovudmaskinen var ein kolfyrt tosylindra compound dampmaskin, levert av Bergen Mekaniske Verksted. Oppgjeven yting var 250 iHk (indikerte hestekrefter) og 50 nHk (nominelle hestekrefter), noko som gav ein toppfart på 8 knop.
Etter ombygginga i 1901 var tonnasjen 601 brt og 426 nrt.[2]
Skipet fekk nye donkeykjele på 100 pund i 1903.
Sjå òg[endre | endre wikiteksten]
- Flåten til Det Bergenske Dampskibsselskab
- For andre skip kalla «Uranus», sjå Uranus.
Kjelder[endre | endre wikiteksten]
- Dag Bakka jr. og Per Alsaker (1988). «Det Bergenske Dampskipselskap - del 1». Skipet. Nr. 1 (Rådal: Skipet). Volum 14: 23. Henta 12. mai 2019.
- ↑ 1,0 1,1 «D/S Venus». Sjøhistorie.no. Henta 12. mai 2019.
- ↑ Skipshistorie.net
