Jean Baptiste Perrin
| Jean Baptiste Perrin | |
| Fødd | 30. september 1870 Lille i Frankrike |
|---|---|
| Død | 17. april 1942 (71 år) New York City i USA |
| Nasjonalitet | Fransk |
| Institusjonar | École Normale Supérieure Universitetet i Paris |
| Alma mater | École Normale Supérieure |
| Kjend for | Opphavet til katodestråle Brownsk rørsle |
| Utmerkingar | Nobelprisen i fysikk (1926) |
Jean Baptiste Perrin (30. september 1870 –17. april 1942) var ein fransk fysikar og nobelprisvinnar. Han vart tildelt Nobelprisen i fysikk i 1926 for arbeidet sitt med å påvise at materie består av atom.
Perrins gradualavhandling, Sur les rayons cathodiques eit les rayons X (1897), inneheldt òg det eksperimentelle beviset for at katodestrålene medfører negativ elektrisk ladning. I eit seinare arbeid, Recherches sur le mouvement brownien eit la détermination des poids absolus des molécules (1908), bestemte han ut frå ultramikroskopiske studiar av den brownske rørsla verdien på massen og mengda til molekyla, som stemte godt overeins med resultat frå andre forskarar. Dette var ein eksperimentell stadfesting av Einsteins teori om brownsk rørsle.
Perrin vart innvalt som representant av Kungliga Vetenskapsakademien i 1922.
Han var faren til fysikaren Francis Perrin.
Kjelder [endre]
- Denne artikkelen bygger på «Jean Baptiste Perrin» frå Wikipedia på bokmål, den 22. februar 2012.
