Jerome Isaac Friedman

Frå Wikipedia – det frie oppslagsverket
Gå til: navigering, søk
Jerome Isaac Friedman
Fødd 28. mars 1930 (84 år)
Chicago i Illinois
Nasjonalitet Amerikansk
Institusjonar MIT
Alma mater Chicago
Doktorgradsrettleiar Enrico Fermi
Kjend for Eksperimentelle bevis for kvarker
Utmerkingar Nobelprisen i fysikk (1990)

Jerome Isaac Friedman (fødd 28. mars 1930) er ein amerikansk fysikar.

Friedman mottok Nobelprisen i fysikk i 1990, saman med amerikanarane Richard E. Taylor og Henry Way Kendall, for deira banebrytande undersøkingar om sterkt uelastisk spreiing av elektron mot proton og bundne nøytron, som spelte ei avgjerande rolle i utviklinga av kvarkmodellen innan partikkelfysikken.

Forskinga som førte til Nobelprisen vart i fellesskap utført ved Stanford Linear Accelerator Center (SLAC) ved Stanford i California. I fleire eksperiment mellom 1967 og 1973 brukte dei partikkelakseleratorar for å rette ei stråle av elektron med høg energi mot proton og nøytron. Dei fann at den måten elektrona vert spreidd ved kollisjonane indikerte at både proton og nøytron består av små elektrisk ladde partiklar. Etter kvart vart det klart at desse partiklane motsvarte kvarkane som hadde blitt foreslått av Murray Gell-Mann og George Zweig i 1964.

Friedman tok doktorgrad ved University of Chicago i 1956. Etter å ha undervist ved Stanford University, der han møtte Kendall og Taylor, flytta han til Massachusetts Institute of Technology (MIT) der han vart professor i fysikk i 1983

Kjelder[endre | endre wikiteksten]