DS «Treue»
| Karriere |  Tyskland |
|---|---|
| Namn: | DS «Treue» |
| Eigar: | August E. Peters |
| Verft: | J.Th. Wilmink & Co. i Groningen i Nederland |
| Verftsnummer: | 110 |
| Jomfrutur: | juni 1925 |
| Heimehamn: | Hamburg |
| Kjennemerke: | LEZM - LHPT |
| Generelle mål | |
| Type: | Lasteskip |
| Tonnasje: | 549 brt, 294 nrt |
| Daudvekt: | 825 tdw. |
| Lengd: | 159,3 fot (48,6 m) |
| Breidd: | 27,2 fot (8,3 m) |
| Djupgang: | 11,4 fot (3,5 m) |
| Installert effekt : | NHK 80, IHK 450 |
| Framdrift: | Triple 3 cyl. dampmaskin (N.V. Machinefabrik Fulton, Hoogezand) |
| Fart: | 8 knop |
| Karriere |  Noreg |
| Namn: | DS «Sulitjelma» |
| Eigar: | Det Nordlandske Dampskibsselskab |
| Kjøpt: | Juli 1929 |
| Heimehamn: | Bodø |
| Karriere | Noreg |
| Namn: | DS «Sulitjelma»» |
| Eigar: | Det Bergenske Dampskibsselskab |
| Kjøpt: | Juli 1935 for 110 000 kroner.[1] |
| Heimehamn: | Bergen |
| Karriere | Noreg |
| Namn: | DS «Sigurd Hund» |
| Eigar: | A/S Nordlandslinjen |
| Kjøpt: | Oktober 1935 |
| Heimehamn: | Harstad |
| Lagnad: | Forlis 1940 |
DS «Treue» (kallesignal LEZM - LHPT) var eit dampskip bygt i 1925 som lasteskip for August E. Peters i Hamburg.
I 1929 vart skipet kjøpt av Det Nordlandske Dampskibsselskab og omdøypt DS «Sulitjelma». Etter ein kort tur innom Det Bergenske Dampskibsselskab frå juli til oktober 1935, vart det selt til A/S Nordlandslinjen og gjeve namnet DS «Sigurd Hund». Skipet grunnstøytte og sokk i 1940.
Historie[endre | endre wikiteksten]
Skipet vart bygt ved J.Th. Wilmink & Co. i Groningen i Nederland og vart levert i juni 1925.[2] Skipet hadde gode kjølerom og var bygt for frakte fisk. Mellom anna gjekk det i fart mellom Hamburg og Vest-Noreg.
Under ein storm i januar 1928 sprang «Treue» lekk og hadde mista fleire naglar. Skipet klarte ikkje å pumpe ut all vatnet som kom inn og fekk slagside. Det gjekk då til Haugesund som naudhamn og vart så teke inn i dokk i Haugesund for å få reparert skaden.[3][4]
I juni 1929 vart skipet kjøpt av Det Nordlandske Dampskibsselskab og omdøypt DS «Sulitjelma». Skipet vart sett inn i kystfart mellom Tromsø og Hamburg, med anløp mellom anna i Bergen.[5] Seinare vart ruta Bodø-Hamburg.
I august 1932 var det ei sak i sjøretten i Bergen om den siste reisa til «Sulitjelma» frå Tromsø til Bergen med klippfisk. Fiske var blitt våt under reisa, trass i at lossinga hadde gått føre seg i tørt vêr og lasta var forsvarleg oppbevart. Ein kom ikkje fram til kva årsaka til at fisken vart våt.[6]
I februar 1934 fekk «Sulitjelma» ein skade på dampkjelen og måtte reparerast i Bergen. Skaden vart taksert til 2 900 kroner.[7]
I august 1935 møttest representantar for ei rekkje reiarlag på Heim Hotell i Mo i Rana. Nordlandske, Helgelandske, Nordlandslinjen, Ofotens, Vesteraalens, Nordenfjeldske og Bergenske kom då fram til ei semje om felles fraktsatsar og transportvilkår. Bakgrunnen for dette var at Det Nordlandske Dampskibsselskab i 1927 hadde sett inn «Skjærstad» i ruta mellom Saltdal, Bodø og Trondheim, og til og med utfordra Bergenske og Nordenfjeldske med å setje «Sulitjelma» i rute mellom Nord-Noreg og Hamburg. Bergenske og Nordenfjeldske svara då med å setje inn gamle DS «Haakon Adelsten» i ruta mellom Trondheim og Bodø for halve prisen til Nordlandske. Dei gjekk då til søksmål med krav om økonomisk erstatning, men tapte i både Trondheim byrett og høgsterett. Dei vart så samde om at Nordlanske skulle leggje ned ruta til Hamburg, medan Bergenske og Nordenfjeldske skulle leggje ned ruta mellom Trondheim og Bodø.[8] Som eit ledd i denne avtalen kjøpte Bergenske og Nordenfjeldske «Sulitjelma» frå Nordlandske for 110 000 kroner.[1] Offiserane ombord skule få halde på jobbane sine som ein del av avtalen, men etter å ha overhalt skipet i Bergen, sende Bergenske det i opplag og mannskapet vart derfor avmønstra i høve sjømannslova.[9]
I oktober 1935 selte Bergenske «Sulitjelma» til A/S Nordlandslinjen i Harstad, som gav det namnet «Sigurd Hund». Skipet vart sett i rute mellom Oslo og Nord-Noreg.
5. februar 1937 gjekk «Sigurd Hund» på grunn i Risøysundet. Skipet fekk stor lekkasje og det måtte raskt settast på land for å at det ikkje skulle søkkje. Bergingsdamparen DS «Parat» kom til frå Rørvik og assisterte havaristen.[10] Skipet vart drege av grunnen og frakta til Trondheim for befaring og utbetring av skaden.[11] 6. september 1937 fekk «Sigurd Hund» ein wire i propellen då skipet skulle halast ut frå Sandviken i Bergen. Det vart slept til Evje-Andersen-slippen ved Skoltegrunnskaien for å få ordna skaden.[12]
Etter Noreg vart angripen i april 1940 vart skipet sett inn i rute Oslo-Bergen-Trondheim. 19. juli 1940 grunnstøytteskipet ved Rauna i Ognabukta på reise til frå Herøya til Bergen med kunstgjødsel. Skipet sokk under bergingsforsøket.
Skipet[endre | endre wikiteksten]
Tonnasjen til skipet var ved levering 549 brt, 294 nrt og lasteevna var 825 dødvekttonn. Hovudmaskinen var ein kolfyrt tresylindra ekspansjon dampmaskin, levert av N.V. Machinefabrik Fulton i Hoogezand. Oppgjeven yting var 450 iHk (indikerte hestekrefter) og 80 nominelle hestekrefter som gav ein toppfart på 8 knop.[13]
Sjå òg[endre | endre wikiteksten]
Kjelder[endre | endre wikiteksten]
- ↑ 1,0 1,1 «Bergenske og Nordenfjeldske kjøper «Sulitjelma»». Bergen: Bergens Tidende. 12. juli 1935. s. 1. Henta 4. august 2020.
- ↑ Dag Bakka jr. og Per Alsaker (1988). «Det Bergenske Dampskipselskap - del 2». Skipet. Nr. 2 (Rådal: Skipet). Volum 14: 25. Henta 4. august 2020.
- ↑ «Tysk issildefartøi sprang lekk i Nordsjøen». Haugesund: Haugesunds Avis. 30. januar 1928. s. 4. Henta 4. august 2020.
- ↑ ««Treue»s sjøskade». Haugesund: Haugesunds Avis. 31. januar 1928. s. 4. Henta 4. august 2020.
- ↑ «Det Nordlandske Dampskibsselskap kjøpet et nyt skib». Bodø: Nordlandsposten. 27. juni 1929. s. 2. Henta 4. august 2020.
- ↑ «Femten hundre bunter klippfisk skadet av vann». Bergen: Bergens Tidende. 17. august 1932. s. 3. Henta 4. august 2020.
- ↑ ««Sulitjelma»s havari». Bergen: Bergens Tidende. 19. februar 1934. s. 2. Henta 4. august 2020.
- ↑ «Ruteselskapene avblåser fraktkrigen». Bergen: Bergens Tidende. 1. juli 1935. s. 8. Henta 4. august 2020.
- ↑ «En liten efterdønning efter fraktkrigsaken». Bergen: Bergens Tidende. 27. september 1935. s. 11. Henta 4. august 2020.
- ↑ ««Sigurd Hund» grunnstøtt i Risøysundet». Bergen: Bergens Tidende. 6. februar 1937. s. 2. Henta 4. august 2020.
- ↑ ««Sigurd Hund» skal til Trondheim». Bergen: Bergens Tidende. 8. februar 1937. s. 5. Henta 4. august 2020.
- ↑ «Havnen». Bergen: Bergens Tidende. 7. september 1937. s. 9. Henta 4. august 2020.
- ↑ «D/S Sulitjelma». Sjøhistorie.no. Henta 4. august 2020.