Svein Roald Hansen

Frå Wikipedia – det frie oppslagsverket
Gå til: navigering, søk
Svein Roald Hansen

Svein Roald Hansen (fødd 20. august 1949 i Fredrikstad) er ein norsk politikar frå Arbeidarpartiet. Han har site på Stortinget for Østfold fylke sidan 2001.

Hansen starta sin politiske karriere som politisk rådgivar for Gro Harlem Brundtland i 1993. Han vart valt inn på Stortinget frå Østfold i 2001 og valt på nytt i 2005 og 2009. Frå 2003 har han også vore leiar for Europarørsla. Hansen var ordførar i Fredrikstad i perioden 1995–1999. Han kom inn i kommunestyret i Borge i 1983, og heldt fram i Fredrikstad ved kommunesamanslåinga i 1994 og vart valt på nytt seinast i 2007.

Hansen har studert historie og statsvitskap og arbeidde som journalist, i NTB frå 1971 til 1974, deretter Oppland Arbeiderblad til 1978. Deretter var han redaksjonssjef i Demokraten frå 1978 til 1982 og så redaksjonssekretær i Oslo-redaksjonen til A-pressen fram til 1983.

Frå 1983 var han politisk rådgivar for Gro Harlem Brundtland på Stortinget, ein posisjon han seinare også hadde ved statsministerens kontor.

I perioden 1990–92 var Hansen redaktør i Sarpsborg Arbeiderblad, og frå 1999 til 2001 var han direktør for informasjon og samfunnskontakt i Hafslund ASA.

Regjering[endre | endre wikiteksten]

  • 1. januar 1986 – 1. januar 1989: politisk rådgivar ved statsministerens kontor
  • 10. januar 1992 – 4. august 1995: statssekretær ved statsministerens kontor

Stortingskomitear[endre | endre wikiteksten]

Bakgrunnsstoff[endre | endre wikiteksten]